មិនគួរឲ្យជឿ! ទារកកើតមក មានទម្ងន់ជិត ៦គីឡូក្រាម ធ្វើឲ្យម្តាយស្រឡាំងកាំង (មានវីដេអូ)

អូស្រ្តាលី៖ កាលពីពេលថ្មីៗកន្លងទៅនេះ នារីម្នាក់បានសម្រាល កូនប្រុសម្នាក់ មានទម្ងន់ជិត ៦គីឡូក្រាម បង្កភាពភ្ញាក់ផ្អើលពេញមន្ទីរពេទ្យតែម្តង។

ប្រភពព័ត៌មាន Dailymail បានឲ្យដឹងថា កាលពីយប់ថ្ងៃសៅរ៍ មាននារីម្នាក់ ឈ្មោះ Breanna Sykes រស់នៅជាយក្រុង Carramar បានផ្តល់កំណើតកូនប្រុសម្នាក់ នៅចន្លោះម៉ោងប្រហែលជា ៧:១៥នាទីយប់។ ទារកប្រសូតមកនោះមានទម្ងន់ធ្ងន់ជាងទារកដទៃ រហូតដល់ទៅ ៥,៩ គីឡូក្រាម នៅឯមន្ទីរពេទ្យមួយកន្លែង ស្ថិតក្នុងទីក្រុង Perth ប្រទេសអូស្រ្តាលី បង្កឲ្យមានភាពភ្ញាក់ផ្អើលពេញមន្ទីរពេទ្យ ហើយនាងបានដាក់ឈ្មោះកូនប្រុសថា Zaid Kadic ។

ប្រភពបន្តថា នាង Breanna Sykes បានទៅដល់គ្លីនិកសម្ភព Joondalup Health Campus ត្រូវបានក្រុមគ្រូពេទ្យសម្រេចឲ្យវះកាត់តែម្តង ព្រោះផ្ទៃពោះនិងកូនក្នុងផ្ទៃមានទំហំធំពេក ដែលពិបាកដល់ការសម្រាលធម្មជាតិណាស់ ហើយក៏ពុំធ្លាប់មានទំហំធំបែបនេះពីមុនមកដែរ។ ក្រោយពីទារបានកើតហើយ ធ្វើឲ្យក្រុមគ្រូពេទ្យភ្ញាក់ផ្អើលជាខ្លាំង ព្រោះទារកថ្លោសពេក រហូតដល់ជិត ៦គីឡូក្រាមឯណោះ។ មិនតែប៉ុណ្ណោះ សូម្បីរូបនាងជាម្តាយ​ភ្ញាក់ឡើង បានឃើញកូនប្រុសខ្លួន មានសាច់ត្រលុកត្រលុនយ៉ាងដូច្នេះ ក៏ស្ទើរតែចង់ស្រឡាំងកាំងផងដែរ។

ស្ត្រីជាម្តាយនិយាយថា «ម្នាក់ក្នុងចំណោមគ្រូពេទ្យទាំងអស់ ប្រាប់ខ្ញុំថា កូនរបស់ខ្ញុំពិតជាធំណាស់ គាត់ធ្វើពេទ្យជាង ១៥ឆ្នាំទៅហើយ ទើបតែជួបប្រទះលើកទីមួយតែប៉ុណ្ណោះ»។

ម្តាយនិងកូនប្រុស ទាំង២នាក់នេះ ត្រូវបានរំពឹងថា នឹងអាចត្រលប់ទៅផ្ទះវិញ នៅថ្ងៃអង្គារនេះផងដែរ។

គួរបញ្ជាក់ដែរថា បើតាមប្រភពបញ្ជាក់ថា ទារកត្រូវបានមើលថែទាំយ៉ាងល្អពីសំណាក់ ក្រុមគ្រូពេទ្យ និងម្តាយ ហើយក៏បានធ្វើតេស្តពិនិត្យឈាមរបស់ទារក បង្ហាញថាទារកមានសុខភាពល្អជាធម្មតា មិនមានបញ្ហាផ្នែកសុខភាព ឬហ្សែនខុសឆ្គងត្រង់ណាមួយឡើយ ៕

ទស្សនាវីដេអូ៖ 

រូបភាព៖ នាង Breanna Sykes និងកូនប្រុស Ziad Kadic

រូបភាព៖ ទារកដែលទើបតែកើត ឈ្មោះថា Ziad Kadic

រូបភាព៖ ទារកដែលទើបតែកើត ឈ្មោះថា Ziad Kadic (នៅខាងស្តាំដៃ)

រូបភាព៖ ទារកដែលទើបតែកើត ឈ្មោះថា Ziad Kadic

ប្រភព ៖ Dailymail

កំណត់ហេតុខ្មែរឡូត៖

គួររំលឹកដែរថា​ ទាក់ទងនឹងករណីខាងលើនេះដែរ កាលពីដើមខែមីនា កន្លងទៅ ពិតជាគួរឲ្យរន្ធត់ចិត្ត ដោយហេតុថាទារកម្នាក់ កើតមកមានពោះវៀននៅខាងក្រៅរាងកាយ ប៉ុន្តែអ្វីដែលគួរឲ្យភ្ញាក់ផ្អើលនោះគឺថា ក្រុមគ្រូពេទ្យបានវះកាត់បញ្ចូលវិញ ដោយទទួលបានជោគជ័យផងដែរ។

ទារកដ៏មានសំណាងម្នាក់ អាចនៅរស់រានមានជីវិត បន្ទាប់ពីមានកំណើតមិនប្រក្រតី ដោយសារតែមានពោះវៀននៅខាងក្រៅរូបរាងកាយ។ បន្ទាប់ពីទារកបានកើតរួច ក្រុមគ្រូពេទ្យបានធ្វើការយ៉ាងយកចិត្តទុកដាក់បំផុត និងប្រាប់ទៅដល់ឪពុកម្តាយរបស់ទារកថា ទារកនេះត្រូវតែធ្វើការវះកាត់ជាបន្ទាន់ ព្រោះបើទុកយូរវាអាចប៉ះពាល់ដល់អាយុជីវិតរបស់ទារកបាន។ វិនាទីបន្ទាប់ក្រុមគ្រូពេទ្យ បានយកថង់ស រុំទៅលើពោះវៀនរបស់ទារកនោះសិន ដើម្បីរក្សានូវសរីរាង្គ​ និងទប់ស្កាត់ការឆ្លងមេរោគ ក្រោយមកទើបបញ្ជូនទៅបន្ទប់វះកាត់។

បើតាមសម្តីនាង Chloe Tobin អាយុ២៤ឆ្នាំ ដែលជាម្តាយទារកនោះបានឲ្យដឹងដែរថា “ខណៈពេលកំពុងសម្រាល ខ្ញុំបានលឺសំលេងរបស់កូនស្រីខ្ញុំ Maisie នាងយំ ដូច្នេះខ្ញុំគិតថានាង ប្រហែលជាកើតរួចហើយ ពេលនោះខ្ញុំក៍ចាប់ផ្តើមយំជាមួយនាងផងដែរ។ ក្រោយមកខ្ញុំ ក្រឡេកភ្នែកមើលនាងមួយភ្លែត តែអ្វីដែរធ្វើឲ្យខ្ញុំតក់ស្លត់ ទប់អារម្មណ៍មិនបាននោះគឺថា គ្រូពេទ្យបានយកថង់រុំទៅលើសរីរាង្គ និងមានឧបករណ៍ពេទ្យជាច្រើនទៀត បំពាក់នៅលើខ្លួននាង។ បន្តិចក្រោយមក ក៏យកនាងទៅធ្វើការវះកាត់ភ្លាមៗ ខ្ញុំពិតជាតក់ស្លត់ខ្លាំងមែនទែន។ ប៉ុន្តែលទ្ធផលចុងក្រោយនោះ គឺក្រុមគ្រូពេទ្យបានវះកាត់ ដាក់បញ្ចូលវិញ ដោយទទួលបានជោគជ័យ។ ខ្ញុំពិតជារំភើបសឹងតែថាមិនអាចរកអ្វីប្រៀបផ្ទឹមបានឡើយ" ។

គួរបញ្ជាក់ដែរថា មកទល់ពេលនេះ ទារកតូចនោះ មានអាយុប្រហែល៤ខែហើយ។ នាង Tobin ជាម្តាយ រួមជាមួយសា្វមី Joe និងកូនស្រីម្នាក់ទៀត ឈ្មោះ Elouise អាយុ៥ឆ្នាំ មានគម្រោងដើរកម្សាន្តជាលក្ខណៈគ្រួសារ ដើម្បីជាការអបអរដល់កូនស្រី គួរឲ្យស្រលាញ់របស់ពួកគេផងដែរ៕

រូបភាព៖​ ទារកដែលកើតមក មានពោះវៀននៅពីក្រៅ

=====================================================================

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post